ചലഞ്ച് ഏറ്റെടുത്തു; നിലത്തിരുന്ന് തറ തുടച്ച് ഇഷാ തൽവാർ; വീഡിയോ വൈറൽ

ഹൃതിക് റോഷൻ, വിരാട് കോലി, സൈന നെഹ്വാൾ തുടങ്ങിയവർ ഏറ്റെടുത്ത ഫിറ്റ്‌നസ്സ് ചാലഞ്ച് ഏറ്റെടുത്ത് ഇഷാ തൽവാർ. ഇപ്പോഴിതാ ആരും വെല്ലുവിളിച്ചില്ലെങ്കിലും സ്വയം വെല്ലുവിളി ഏറ്റെടുത്ത് വ്യത്യസ്തമായ രീതിയിലൂടെ തന്റെ കായികക്ഷമത തെളിയിക്കുകയാണ് ഇഷ.

എല്ലാവരും ജിമ്മിൽ പോയും സൈക്ലിങ് നടത്തിയും യോഗ ചെയ്തുമെല്ലാം തങ്ങളുടെ കായികക്ഷമത തെളിയിക്കുമ്പോൾ ഇതിനൊന്നും പോകാതെ നിത്യവൃത്തി കൊണ്ട് ആരോഗ്യം സൂക്ഷിക്കാമെന്ന് കാണിച്ചു തരികയാണ് ഇഷ. നിലം തുടയ്ക്കാനുള്ള മോപ്പോ മറ്റോ ഉപയോഗിക്കാതെ തുണി ഉപയോഗിച്ച് നിലത്തിരുന്നു കൊണ്ട് തറ തുടച്ചാണ് ഇഷ ചലഞ്ച് സ്വയം ഏറ്റെടുത്തിരിക്കുന്നത്.