മുതിർന്ന മാധ്യമ പ്രവർത്തക ലീലാ മേനോൻ അന്തരിച്ചു

മുതിർന്ന മാധ്യമപ്രവർത്തക ലീലാ മേനോൻ അന്തരിച്ചു. 86വയസ്സായിരുന്നു. കൊച്ചിയിൽ വച്ചാണ് അന്ത്യം. അസുഖബാധിതയായതിനെ തുടർന്ന് ദീർഘനാളായി ചികിത്സയിലായിരുന്നു.  ജന്മഭൂമി ചീഫ് എഡിറ്ററായിരുന്നു. 1978 ലാണ് ലീലാമേനോൻ പത്രപ്രവർത്തക രംഗത്ത് എത്തുന്നത്. ഇന്ത്യൻ എക്സ്പ്രസിലായിരുന്നു തുടക്കം. 2000–ത്തിൽ പ്രിൻസിപ്പൽ കറസ്പോണ്ടന്റായിരിക്കെ പിരിഞ്ഞു. പോസ്റ്റ് ഓഫീസിലെ ജോലി ഉപേക്ഷിച്ചാണ് പത്രപ്രവർത്തനത്തിലേക്ക് വന്നത്. ഒൗട്ട്ലുക്ക്, ഹിന്ദു, വനിത, മാധ്യമം, മലയാളം തുടങ്ങിയവയിൽ പംക്തികൾ എഴുതിയിട്ടുണ്ട്. 1932–ൽ എറണാകുളം വെങ്ങോല തുമ്മാരുകുടി വീട്ടിൽ പാലക്കോട്ട് നീലകണ്ഠൻ കർത്താവിന്റെയും ജാനകിയമ്മയുടെയും മകളായിട്ടാണ് ജനനം. പരേതനായ മുണ്ടിയടത്ത് മേജർ ഭാസ്കര മേനോനാണ് ഭർത്താവ്.