നിപ നിയന്ത്രണത്തിലേക്ക്; ജാഗ്രത തുടരും

സംസ്ഥാനത്തെ മുഴുവൻ ആശങ്കയിലാഴ്ത്തിയ നിപ വൈറസ് നിയന്ത്രണത്തിലേക്ക്. കോഴിക്കോട് ജന ജീവിതം സാധാരണ നിലയിലേക്ക് നീങ്ങിയിരിക്കുകയാണ്. കഴിഞ്ഞ നാല് ദിവസമായി ഒരു നിപ പോലും റിപ്പോർട്ട് ചെയ്യാത്തതും ആശ്വാസത്തിന് ആക്കം കൂട്ടിയിട്ടുണ്ട്. 18 ഫലങ്ങളാണ് ഇന്നലെ പരിശോധിച്ചത് ഇതിൽ ഒന്നും നിപയല്ലെന്ന് സ്ഥിരീകരിച്ചു. ഇവരടക്കം 24പേരാണ് ഇപ്പോൾ നീരീക്ഷണത്തിൽ ഉള്ളത്. സമ്പർക്കപ്പട്ടികയിൽ 2377പേരാണുള്ളത്. നിപ ബാധിച്ച് സംസ്ഥാനത്ത് 17പേരാണ് നിര ബാധിച്ച് മരിച്ചത്. രണ്ട് പേർ വൈറസ് മുക്തരായി സുഖം പ്രാപിക്കുന്നുണ്ട്.