ആൾദൈവം ദാതി മഹാരാജ് പീഡനക്കേസിൽ അറസ്റ്റിൽ

ആൾദൈവം ദാതി മഹാരാജിനെ പോലീസ് അറസ്റ്റു ചെയ്തു. ശിഷ്യയെ ലൈംഗികമായി പീഡിപ്പിച്ച കേസിലാണ് ദാതി മഹാരാജിനെ അറസ്റ്റ് ചെയ്തത്.

തെക്കുപടിഞ്ഞാറൻ ഡൽഹിയിലെ ഫത്തേപുർ ബേരിയിൽനിന്നാണ് അറസ്റ്റുചെയ്തത്. രണ്ടുവർഷംമുമ്പ് ഛത്തർപുരിലെ ശനിധാമിൽവെച്ച് പീഡിപ്പിച്ചെന്നാണ് യുവതിയുടെ പരാതി. പേടികൊണ്ടാണ് ഇതുവരെ പരാതിപ്പെടാതിരുന്നത്. ആശ്രമത്തിലെ ഒട്ടേറെ പെൺകുട്ടികൾക്കുനേരെ ഇയാൾ ലൈംഗികാതിക്രമം നടത്തിയിട്ടുണ്ടെന്നും യുവതി വെളിപ്പെടുത്തി.