ജോസ് കെ. മാണിയ്‌ക്കെതിരെ എല്‍ഡിഎഫ് നല്‍കിയ പരാതി തള്ളി

ലോക്‌സഭാ എംപിയായിരിക്കെ രാജ്യസഭയിലേക്ക് പോകുന്ന ജോസ് കെ. മാണി ഇരട്ടപദവി നിയമം ലംഘിക്കുകയാണെന്നും അതിനാല്‍ രാജ്യസഭയിലേക്ക് ജോസ് കെ. മാണി നല്‍കിയ നാമനിര്‍ദേശ പത്രിക സ്വീകരിക്കരുതെന്നും ആവശ്യപ്പെട്ട് എല്‍ഡിഎഫ് നല്‍കിയ പരാതി വരണാധികാരി തള്ളി കളഞ്ഞു. രാജ്യസഭയിലേക്കുള്ള മൂന്ന് സ്ഥാനാര്‍ഥികളുടേയും നാമനിര്‍ദേശ പത്രികയ്ക്ക് നിയമസഭാ സെക്രട്ടറി വി.കെ. ബാബുപ്രകാശ് സാധുത നല്‍കി. ജോസ് കെ. മാണിയുടേത് ഇരട്ടപദവിയാണെന്ന് ആരോപിച്ചായിരുന്നു എല്‍ഡിഎഫ് പരാതി നല്‍കിയത്.