അതിരുവിട്ട പ്രതിഷേധം; ഡിസിസി ഓഫീസിനു മുന്നില്‍ ശവപ്പെട്ടിവച്ച കെഎസ്‌യു പ്രവര്‍ത്തകര്‍ അറസ്റ്റില്‍, പാര്‍ട്ടിയില്‍ നിന്ന് പുറത്താക്കി

രാജ്യസഭാ സീറ്റ് കേരളാ കോണ്‍ഗ്രസ് എമ്മിന് നല്‍കിയ കോണ്‍ഗ്രസ് നേതൃത്വത്തിന്റെ നടപടിയില്‍ പ്രതിഷേധിച്ച് എറണാകുളം ഡിസിസി ഓഫീസില്‍ ശവപ്പെട്ടി വച്ച സംഭവത്തില്‍ കെഎസ്‌യു പ്രവര്‍ത്തകര്‍ അറസ്റ്റില്‍. കെഎസ്‌യു സം​സ്ഥാ​ന ജ​ന​റ​ൽ സെ​ക്ര​ട്ട​റി അ​നൂ​പ് ഇ​ട്ട​ൻ, കെഎസ്‌യു ​മു​ൻ സം​സ്ഥാ​ന സെ​ക്ര​ട്ട​റി സ​ബീ​ർ മു​ട്ടം, മു​ജീ​വ് എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇവരെ അറസ്റ്റ് ചെയ്തതിന് പിന്നാലെ പാര്‍ട്ടിയില്‍ നിന്ന് പുറത്താക്കുകയും ചെയ്തു. ആറ് വര്‍ഷത്തേക്കാണ് ഇവരെ പാര്‍ട്ടിയില്‍ നിന്ന് പുറത്താക്കിയിരിക്കുന്നത്.

മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ​യും പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല​യു​ടെ​യും ചി​ത്ര​ങ്ങ​ളോ​ട് കൂ​ടി​യ ശ​വ​പ്പെ​ട്ടി​യാ​ണ് ഡി​സി​സി ഓ​ഫീ​സി​നു മു​ന്നി​ൽ​വ​ച്ച​ത്. നേ​താ​ക്ക​ളെ വി​മ​ർ​ശി​ക്കു​ന്ന പോ​സ്റ്റ​റു​ക​ളും ഒ​ട്ടി​ച്ചി​രു​ന്നു. ക​ഴി​ഞ്ഞ ശ​നി​യാ​ഴ്ച പു​ല​ർ​ച്ചെ​യാ​ണ് ശ​വ​പ്പെ​ട്ടി ഡി​സി​സി ഓ​ഫീ​സി​നു മു​ന്നി​ൽ പ്ര​ത്യ​ക്ഷ​പ്പെ​ട്ട​ത്. എ​റ​ണാ​കു​ളം ഡി​സി​സി പ്ര​സി​ഡ​ന്‍റി​ന്‍റെ പ​രാ​തി​യി​ലാ​ണ് ന​ട​പ​ടി. വ​ടു​ത​ല​യി​ലെ ക​ട​യി​ൽ​നി​ന്നും കെഎസ്‌യു ​നേ​താ​ക്ക​ൾ ശ​വ​പ്പെ​ട്ടി വാ​ങ്ങു​ന്ന സി​സി​ടി​വി ദൃ​ശ്യ​ങ്ങ​ൾ പോ​ലീ​സി​നു ല​ഭി​ച്ചി​രു​ന്നു.