നെല്‍വയല്‍- തണ്ണീര്‍ത്തട നിയമ ഭേദഗതി; മുഖ്യമന്ത്രി ഉന്നതതല യോഗം വിളിച്ചു

നെല്‍വയല്‍- തണ്ണീര്‍ത്തട നിയമഭേദഗതിയുമായി ബന്ധപ്പെട്ട് ഇന്ന് ഉന്നതതലയോഗം ചേരും. മുഖ്യമന്ത്രിയാണ് യോഗം വിളിച്ചിരിക്കുന്നത്. നെല്‍വയല്‍- നീര്‍ത്തട സംരക്ഷണ നിയമത്തില്‍ നിന്ന് നഗരപ്രദേശങ്ങളെ ഒഴിവാക്കുന്നത് ചര്‍ച്ച ചെയ്യാനാണ് മുഖ്യമന്ത്രി യോഗം വിളിച്ചിരിക്കുന്നത്. റവന്യൂ, കൃഷി മന്ത്രിമാര്‍ യോഗത്തില്‍ പങ്കെടുക്കും. പ്രസ്തുത ബില്‍ നിയമസഭയുടെ പരിഗണനയിലിരിക്കെയാണ് മുഖ്യമന്ത്രി ഉന്നതതലയോഗം വിളിച്ചിരിക്കുന്നത്. പൊതു ആവശ്യങ്ങള്‍ക്ക് ഭൂമി നികത്തുമ്പോഴുണ്ടാകുന്ന മാനദണ്ഡങ്ങള്‍, നടപടി ക്രമങ്ങള്‍ എന്നിവയില്‍ ഇളവ് വരുത്തുന്നതുമായി ബന്ധപ്പെട്ട് ബില്ലില്‍ ഭേദഗതി കൊണ്ടുവരികയാണ് ആലോചനയിലുള്ളത്.