കോളറോവിന്റെ ഫ്രീകിക്ക് ഗോള്‍; കോസ്റ്ററിക്കയെ തളച്ച് സെര്‍ബിയ

ഗ്രൂപ്പ് ‘ഇ’യിലെ ആദ്യ മത്സരത്തില്‍ കോസ്റ്ററിക്കയെ പൂട്ടി സെര്‍ബിയ. സമാരയില്‍ നടന്ന പോരാട്ടത്തില്‍ ഏകപക്ഷീയമായ ഒരു ഗോളിനായിരുന്നു സെര്‍ബിയയുടെ വിജയം. മത്സരത്തിന്റെ 56-ാം മിനിറ്റില്‍ സെര്‍ബിയ താരം കോളറോവ് വിജയഗോള്‍ നേടി. ഉജ്ജ്വലമായ ഒരു ഫ്രീകിക്കിലൂടെയാണ് കോളേറോവ് സെര്‍ബിയയുടെ വിജയഗോള്‍ നേടിയത്. കോളേറോവ് ഇടംകാലുകൊണ്ട് തൊടുത്ത ഫ്രികിക്ക് കോസ്റ്ററിക്ക ഗോളിയെ കടന്ന് ഗോള്‍വലയിലേക്ക് കുതിച്ചു. പന്ത് കൈപിടിയിലൊതുക്കാന്‍ കോസ്റ്ററിക്കയുടെ കാവല്‍ക്കാരന്‍ ശ്രമിച്ചെങ്കിലും പരാജയപ്പെടുകയായിരുന്നു. സെര്‍ബിയയുടെ നായകന്‍ കൂടിയാണ് അലക്‌സാണ്ടര്‍ കോളറോവ്.