വരാപ്പുഴ കസ്റ്റഡി മരണം; എ.എന്‍. രാധാകൃഷ്ണന്റെ കക്ഷിചേരല്‍ ഹര്‍ജി ഹെക്കോടതി തള്ളി

വരാപ്പുഴ ശ്രീജിത്തിന്റെ കസ്റ്റഡി മരണക്കേസിൽ ബിജെപി നേതാവ്  എ.എന്‍. രാധാകൃഷ്ണന്റെ കക്ഷി ചേരൽ ഹർജി ഹൈക്കോടതി തള്ളി. കക്ഷി ചേരൽ ഹർജി രാഷ്ടീയ ലക്ഷ്യത്തോടെ ഉള്ളതാണെന്ന് കോടതി ചൂണ്ടിക്കാട്ടി. മൂന്നാം കക്ഷിക്ക് കേസില്‍ കാര്യമില്ലെന്നും കക്ഷിയുടെ സഹായമില്ലാതെ തന്നെ കേസ് നടത്താന്‍ കോടതിക്ക് കഴിയുമെന്നും കോടതി വ്യക്തമാക്കി. കൊല്ലപ്പെട്ട ശ്രീജിത്ത് ബിജെപിക്കാരനായിരുന്നുവെന്നും ഭരണകക്ഷിയായ സിപിഎം രാഷ്ട്രീയ ശത്രുക്കളെ ഉന്‍മൂലനം ചെയ്യാന്‍ പോലീസിനെ ഉപയോഗിക്കുകയാണെന്നുമുള്ള രാധാകൃഷ്ണന്റെ വാദം കോടതി തള്ളി.