‘ബി’ ക്ലാസ് കലാശക്കൊട്ടിന് കിക്കോഫ്

‘ബി’ ഗ്രൂപ്പില്‍ നിന്ന് പ്രീക്വാര്‍ട്ടറിലേക്ക് പ്രവേശിക്കുന്ന ടീമുകളെ മണിക്കൂറുകള്‍ക്കകം അറിയാം. നിര്‍ണായക മത്സരങ്ങള്‍ക്ക് റഷ്യയില്‍ കിക്കോഫ് മുഴങ്ങി. പോര്‍ച്ചുഗല്‍ – ഇറാന്‍ മത്സരം സരന്‍സ്‌കിലാണ് നടക്കുന്നത്. കാലിനിന്‍ഗ്രാഡിലാണ് സ്‌പെയിന്‍ – മൊറോക്കോ മത്സരം നടക്കുക. പോര്‍ച്ചുഗലിനും സ്‌പെയിനും ഗ്രൂപ്പില്‍ നാല് പോയിന്റ് വീതമുണ്ട്. ഇറാന് മൂന്ന് പോയിന്റാണ് ഉള്ളത്. മൊറോക്കോ പോയിന്റൊന്നുമില്ലാതെ ഗ്രൂപ്പില്‍ ഏറ്റവും അവസാന സ്ഥാനത്താണ്. ഗ്രൂപ്പ് ജേതാക്കളെ നിശ്ചയിക്കുക ഇന്ന് നടക്കുന്ന മത്സര ഫലങ്ങളാണ്.