അമ്മ സംഘടനയില്‍ നിന്ന് രാജി വച്ച നടിമാര്‍ക്ക് പിന്തുണ പ്രഖ്യാപിച്ച് നടി രഞ്ജിനി

താരസംഘടനയായ അമ്മയിൽ നിന്ന് രാജിവച്ച നടിമാര്‍ക്ക് പിന്തുണയുമായി നടി രഞ്ജിനി. മലയാള സിനിമയിലെ ലിംഗവിവേചനത്തിനും ലൈംഗിക ചൂഷണത്തിനുമെതിരെയുള്ള വിപ്ലവകരമായ തുടക്കമാണിതെന്ന് തന്‍റെ ഫേസ്ബുക്കിലൂടെ പ്രതികരിച്ചു.ഊര്‍മ്മിള ഉണ്ണി അടക്കമുള്ള നടിമാര്‍ തങ്ങളുടെ സഹോദരിക്ക് നീതി ലഭിക്കാനായി അമ്മയില്‍ നിന്നും രാജി വയ്ക്കുമെന്നാണ് പ്രതീക്ഷിക്കുന്നത്. സിനിമ മേഖലയിലെ ഈ വിവേചനം കൊണ്ട് തന്നെയാണ് അഭിനയ രംഗത്ത് തിരിച്ചെത്തിയിട്ടും അമ്മയില്‍ അംഗത്വം എടുക്കാത്തതെന്നും രഞ്ജിനി ഫെയ്സ്ബുക്കില്‍ കുറിച്ചു.

ദിലീപിനെ അമ്മ സംഘടനയില്‍ തിരിച്ചെടുത്തതിന് എതിരെയും രഞ്ജിനി പ്രതികരിച്ചിരുന്നു.