ജസ്നയുടെ തിരോധാനം; സിബിഐ അന്വേഷണം ആവശ്യപ്പെട്ടുള്ള ഹര്‍ജി ഇന്ന് ഹൈക്കോടതി പരിഗണിക്കും

ജസ്നയുടെ തിരോധാനത്തില്‍ സിബിഐ അന്വേഷണം ആവശ്യപ്പെട്ടുള്ള ഹര്‍ജി ഇന്ന് ഹൈക്കോടതി പരിഗണിക്കും. ജസ്നയുടെ സഹോദരന്‍ ജയ്സ്  കെഎസ് യു  സംസ്ഥാന പ്രസിഡന്റ് അഭിജിത്ത് എന്നിവരാണ് ഹര്‍ജിക്കാര്‍. കാഞ്ഞിരപ്പള്ളി എസ്ഡി കോളജിലെ രണ്ടാം വര്‍ഷ വിദ്യാര്‍ഥിനി കൊല്ലമുള സന്തോഷ്കവല കുന്നത്തുവീട്ടിൽ ജസ്ന മരിയ ജെയിംസിനെ മാര്‍ച്ച് 22നാണ് കാണാതാകുന്നത്. സോഷ്യല്‍ മീഡിയയില്‍ പ്രതിഷേധം വ്യാപകമായതോടെ അന്വേഷണത്തിന് പ്രത്യേക സംഘത്തെ നിയോഗിച്ചിരുന്നു. പലയിടത്തായി ജസ്നയെ കണ്ടുവെന്ന് വാര്‍ത്തകള്‍ പരന്നെങ്കിലും ഇതേവരെ ജസ്നയെ കണ്ടെത്താനായിട്ടില്ല.