ലൈംഗിക വിവാദം; സഭാ നേതൃത്വത്തിനെതിരെ ആഞ്ഞടിച്ച് സാറാ ജോസഫ്

താരസംഘടനയായ അമ്മ പീഡിപ്പിക്കപ്പെട്ട നടിയോട് സ്വീകരിച്ചതുപോലെ നിഷേധാത്മക നിലപാടാണ് സീറോ മലബാര്‍ സഭ പീഡനത്തിനിരയായ കന്യാസ്ത്രീയോട് ചെയ്യുന്നതെന്ന് എഴുത്തുകാരി സാറാ ജോസഫ്. ആരോപണ വിധേയനായ ജലന്ധര്‍ ബിഷപ് മാര്‍. ഫ്രാങ്കോ മുളയ്ക്കലിനെ സംരക്ഷിക്കാനാണ് സഭ ശ്രമിക്കുന്നത്. സീറോ മലബാര്‍ സഭയുടെ അദ്യക്ഷസ്ഥാനത്ത് തുടരാന്‍ മാര്‍. ജോര്‍ജ് ആലഞ്ചേരി യോഗ്യനല്ലെന്നും കര്‍ദിനാള്‍ കുറ്റകൃത്യത്തെ ന്യായീകരിക്കുകയാണെന്നും സാറാ ജോസഫ് പറഞ്ഞു. കുറ്റാരോപിതര്‍ വൈദികരായതിനാലാണ് ഇക്കാര്യങ്ങളില്‍ അറസ്റ്റ് വൈകിപ്പിക്കുന്നതെന്നും സാറാ ജോസഫ് കുറ്റപ്പെടുത്തി.