ലോക്‌സഭാ തെരഞ്ഞെടുപ്പിൽ ബിജെപി വിജയിച്ചാൽ ഇന്ത്യ ഹിന്ദു പാകിസ്ഥാനാകും: തരൂർ

വരുന്ന ലോക്‌സഭാ തെരഞ്ഞെടുപ്പിൽ ബിജെപി വിജയം ആവർത്തിച്ചാൽ അവർ ഇന്ത്യയെ ‘ഹിന്ദു പാകിസ്ഥാനാക്കുമെന്ന് കോൺഗ്രസ് നേതാവും എംപിയുമായ ശശി തരൂർ. ബിജെപിയുടെ ഹിന്ദുത്വ അജണ്ടയെ രൂക്ഷമായി വിമർശിച്ചായിരുന്നു ശശി തരൂരിൻറെ ഈ പരാമർശം.

ഇന്ത്യയിൽ വീണ്ടും ബിജെപി വിജയിച്ചാൽ അവർ ഭരണഘടന തിരുത്തിയെഴുതുമെന്നും പാകിസ്ഥാൻറെ അവസ്ഥ ഇവിടെ ഉണ്ടാകുമെന്നും. അങ്ങനെ പൊളിച്ചെഴുതുന്ന ഭരണഘടന ഹിന്ദുരാഷ്ട്ര തത്വങ്ങളിൽ അധിഷ്ഠിതമായിരിക്കുമെന്നും. അതോടെ ന്യൂനപക്ഷങ്ങളുടെ അവകാശങ്ങൾ നിഷേധിക്കപ്പെടുമെന്നും തരൂർ പറഞ്ഞു.