മഴ; കോട്ടയം, വയനാട് ജില്ലകളിലെ ചില വിദ്യാഭ്യാസ സ്ഥാപനങ്ങൾക്ക് അവധി

കനത്ത മഴയെ തുടർന്ന് കോട്ടയം, വയനാട് ജില്ലകളിലെ ചില വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. കോട്ടയം താലൂക്കിലെ തിരുവാർപ്പ്, കാഞ്ഞിരം എസ്എൻഡിപി ഹൈസ്കൂളിനും മീനച്ചിൽ താലൂക്കിലെ കിടങ്ങൂർ, പിറയാർ ഗവൺമെന്റ് എൽപി സ്ക്കൂളിനുമാണ് അവധി. വയനാട് ജില്ലയിൽ വൈത്തിരി, മാനന്തവാടി താലൂക്കുകളിലെ അങ്കണവാടി ഉള്‍പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും അവധിയാണ്. ജില്ലയില്‍ ദുരിതാശ്വാസ ക്യാംപുകള്‍ പ്രവര്‍ത്തിക്കുന്ന എല്ലാ .സ്ക്കൂളുകൾക്കും അവധിയാണ്.