കേരളത്തിൽ കനത്ത മഴ തുടരും; തിങ്കളാഴ്ച്ച അതിശക്തമായ മഴക്ക് സാധ്യത

സംസ്ഥാനത്ത് നാല് ദിവസം കൂടി കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം. നാളെ വരെ ശക്തമായ മഴയും തിങ്കളാഴ്ച അതി ശക്തമായ മഴയുമുണ്ടാകുമെന്നാണ് മുന്നറിയിപ്പ്. സംസ്ഥാനത്തിന്റെ വിവിധ ഭാഗങ്ങളിൽ 12 മുതൽ 20 സെന്റീമീറ്റർ വരെ മഴ ലഭിക്കും. വെള്ളപ്പൊക്കം, ഉരുൾപ്പൊട്ടൽ, മണ്ണിടിച്ചിൽ എന്നിവയ്ക്ക് സാധ്യതയുണ്ടെന്നും മുന്നറിയിപ്പുണ്ട്.

കനത്ത മഴ പെയ്യാനുള്ള സാധ്യത കണക്കിലെടുത്തു രാത്രിസമയങ്ങളിൽ മലയോര മേഖലയിലേക്കുള്ള യാത്ര പരിമിതപ്പെടുത്താൻ നടപടി സ്വീകരിക്കുന്നതിനു പോലീസിനു നിർദേശം നൽകിയിട്ടുണ്ട്. കടൽ തീരങ്ങളിലെത്തുന്ന വിനോദസഞ്ചാരികൾ കടലിൽ ഇറങ്ങുന്നതിനും വിലക്കേർപ്പെടുത്തി.