ആദിലിന്റെ സഹോദരനേയും പോലീസ് തിരയുന്നു

അഭിമന്യു വധക്കേസില്‍ അറസ്റ്റിലായ ക്യാമ്പസ് ഫ്രണ്ട് പ്രവര്‍ത്തകന്‍ ആദിലിന്റെ സഹോദരനേയും പോലീസ് തിരയുന്നു. ആലുവ എടത്തല സ്വദേശിയാണ് ആദില്‍. പിതാവ് മുഹമ്മദ് സലീം ഹൈക്കോടതി മാര്‍ച്ചുമായി ബന്ധപ്പെട്ട് റിമാന്റിലാണ്.  ഓള്‍ ഇന്ത്യ ഇമാം കൗണ്‍സില്‍ സംസ്ഥാന നേതാവാണ് മുഹമ്മദ്.
ചുവരെഴുത്തിനെ തുടര്‍ന്നുള്ള തര്‍ക്കമാണ് കൊലയില്‍ കലാശിച്ചതെന്നാണ് ആദില്‍ അന്വേഷണ സംഘത്തിന് മൊഴി നല്‍കിയത്. എന്ത് വില കൊടുത്തും ചുവരില്‍ എഴുതാനാണ് ഉറപ്പിച്ചത്. എസ്എഫ്ഐയ്ക്ക് വഴങ്ങേണ്ടെന്നും തീര്‍ച്ചപ്പെടുത്തിയിരുന്നു. അതുകൊണ്ട് ആയുധങ്ങളുമായാണ് ക്യാമ്പസില്‍ എത്തിയതെന്നും ആദില്‍ പോലീസിനോട് വെളിപ്പെടുത്തിയത്.