പ്രീജ ഷാജിയെയും സമരക്കാരെയും കസ്റ്റഡിയിലെടുത്തു

ബാങ്ക് ലോണിന് ജാമ്യം നിന്നതിന്റെ പേരില്‍ പ്രീത ഷാജിയുടെ വീട് ജപ്തി ചെയ്യാനുള്ള നടപടിക്കെതിരെ സമരം ചെയ്യ്തവരെയും വീട്ടുടമ പ്രീത ഷാജിയെയും പോലീസ് കസ്റ്റഡിയിലെടുത്തു. സമരക്കാരായ മൂപ്പതോളം പേരെ പോലീസ് കസ്റ്റഡിയിലെടുത്തിട്ടുണ്ട്. കളമശേരിയിലെ പ്രീത ഷാജിയുടെ വീടിന്റെ ജപ്തി നടപടികള്‍ തടസപ്പെട്ടതില്‍ സംസ്ഥാന സര്‍ക്കാരിനെ ഹൈക്കോടതി രൂക്ഷമായി വിമര്‍ശിച്ചിരുന്നു. അതിന് പിന്നാലെയാണ് ഇവരെ കസ്റ്റഡിയിലെടുത്തിരിക്കുന്നത്. കോടതി ഉത്തരവ് നടപ്പാക്കാന്‍ സര്‍ക്കാരിന് ബാധ്യതയുണ്ടെന്നായിരുന്നു കോടതിയുടെ പരാമര്‍ശം