അണ്ണാഹസാരെ വീണ്ടും നിരാഹാര സമരത്തിന്

അണ്ണാഹസാരെ വീണ്ടും നിരാഹാര സമരത്തിന്  ഒരുങ്ങുന്നു.  ലോക്പാൽ ബിൽ നടപ്പിലാക്കുന്നതിൽ കാലതാമസം നേരിടുന്നതില്‍ പ്രതിഷേധിച്ചാണ് സമരം.   ആ​ഗസ്റ്റ് 2ന് ​ഗാന്ധിജയന്തി ദിവസം മുതല്‍ നിരാഹാര സമരം ആരംഭിക്കും.   അഴിമതി വിമുക്തമായ രാഷ്ട്രമാണ് തന്റെ ലക്ഷ്യമെന്നും അതിനായി ജനങ്ങൾ തന്റെയൊപ്പം നിൽക്കണമെന്നും ഹസാരെ ആഹ്വാനം ചെയ്തിട്ടുണ്ട്. അഴിമതി ഇല്ലാതാക്കാനുള്ള ശ്രമങ്ങൾ നടത്താനോ അതിനുള്ള ആർജ്ജവമോ ഈ സർക്കാരിനില്ല. ലോക്പാൽ ബിൽ നടപ്പിലാക്കാൻ വൈകുന്നതിന് നിരവധി കാരണങ്ങളാണ് സർക്കാർ പറയുന്നതെന്നും, ബില്ല് സര്‍ക്കാര്‍ തടഞ്ഞുവച്ചിരിക്കുകയാണെന്നും  ഹസാരെ കുറ്റപ്പെടുത്തി.

2011ലാണ് ഹസാരെ ലോക്പാല്‍ ബില്ലിനായി നിരാഹാര സമരം നടത്തിയത്. ഏപ്രിൽ 5 ന് ആരംഭിച്ച സമരം വലിയ ശ്രദ്ധനേടി. സമൂഹത്തിന്റെ നാനതുറകളില്‍ ഉള്ളവര്‍ ഹസാരെയ്ക്ക് പിന്തുണയുമായി എത്തിയിരുന്നു. തുടര്‍ന്ന് സര്‍ക്കാര്‍ ആവശ്യം അംഗീകരിക്കുകയും ഏപ്രില്‍ 9 ന് സമരം അവസാനിപ്പിക്കുകയും ചെയ്തു. ലോക്പാല്‍ ബില്‍ നടപ്പാക്കണമെന്നും കര്‍ഷകരുടെ കടം എഴുതിത്തള്ളണമെന്നും ആവശ്യപ്പെട്ട് ഇക്കഴിഞ്ഞ മാര്‍ച്ചിലും അദ്ദേഹം നിരാഹാര സമരം നടത്തിയിരുന്നു.