അഭിമന്യു വധം; മുഖ്യപ്രതികളില്‍ ഒരാള്‍ കൂടി പിടിയില്‍

അഭിമന്യുവധത്തില്‍ മുഖ്യപ്രതികളില്‍ ഒരാള്‍ കൂടി അറസ്റ്റില്‍. നെട്ടൂര്‍ സ്വദേശി റജീബാണ് അറസ്റ്റിലായത്. ക്യാമ്പസ് ഫ്രണ്ട് കൊച്ചി മേഖലാ ഭാരവാഹിയാണ് റജീബ്.
ഒന്നാം പ്രതി മുഹമ്മദ് ജൂലൈ 17ന് പോലീസ് കസ്റ്റഡിയിലായിരുന്നു. ക്യാംപസ് ഫ്രണ്ട് മഹാരാജാസ് കോളജ് യൂണിറ്റ് പ്രസിഡന്റും മൂന്നാം വർഷ അറബിക് വിദ്യാർഥിയുമായിരുന്നു മുഹമ്മദ്. അഭിമന്യുവിനെ കോളേജിലേക്ക് വിളിച്ച് വരുത്തിയത് മുഹമ്മദായിരുന്നു.പത്ത് പേരാണ് കൊലപാതകത്തില്‍ ഉള്‍പ്പെട്ടിട്ടുള്ളത്. ഇതില്‍ നാല് പേര്‍ കൊലപാതകത്തില്‍ നേരിട്ട് പങ്കെടുത്തു. മറ്റുള്ളവര്‍ കൊലപാതകത്തിന് കൂട്ടുനിന്നവരാണ്.