മുല്ലപ്പെരിയാർ തുറന്നാൽ ഇടുക്കിയ്ക്ക് … ?

മുല്ലപ്പെരിയാർ അണക്കെട്ടിൽ നിന്നുള്ള വെള്ളം ഒഴുകി വണ്ടിപ്പെരിയാർ ചപ്പാത്തുവഴി ഇടുക്കി അണക്കെട്ടിലേക്ക് എത്തും. ഇടുക്കി ചെറുതോണി ഡാം അഞ്ചു ഷട്ടറുകളും തുറന്നെങ്കിലും ജല നിരപ്പ് കാര്യമായി കുറയാത്ത അവസ്ഥയിലാണ്. കൂടാതെ ശക്തമായ നീരൊഴുക്കും ഉണ്ട്.

ഇതിനിടെ മുല്ലപ്പെരിയാറിന്റെ തീരത്തുനിന്ന് 1,250 കുടുംബങ്ങളിൽ നിന്നായി നാലായിരത്തോളം പേരെ ക്യാംപുകളിലേക്കു മാറ്റും. ഇവരെ ഒഴിപ്പിക്കുന്ന നടപടി പുരോഗമിക്കുകയാണ്.

മുൻകരുതൽ നടപടികളുടെ ഭാഗമായി ചപ്പാത്തിൽ നിന്ന് ശാന്തിപ്പാലം വഴി ചെങ്കരയിലേക്കുള്ള ഗതാഗതം നിരോധിച്ചു. മുല്ലപ്പെരിയാർ സമിതി ബുധനാഴ്ച ഡാമിലെത്തും. സാഹചര്യങ്ങൾ വിലയിരുത്തും.