തിരുവനന്തപുരത്ത് നിന്ന് സൈന്യം പ്രളയബാധിത പ്രദേശങ്ങളിലേക്ക് തിരിച്ചു

തിരുവനന്തപുരത്ത് നിന്ന് സൈന്യം പ്രളയബാധിത പ്രദേശങ്ങളിലേക്ക് തിരിച്ചു. നാല് കെഎസ്ആർടിസി ബസ്സുകളിലായാണ് സംഘം തിരിച്ചിരിക്കുന്നത്. സംസ്ഥാന പോലീസിന്റെ പൈലറ്റ് വാഹനം സൈന്യത്തെ അനുഗമിക്കും. മിലിട്ടറി എന്‍ജിനിയറിങ് സര്‍വീസിന്റെ ദൗത്യസംഘത്തില്‍ 50 പേരാണുളളത്. തിരുവല്ല, പത്തനംതിട്ട, റാന്നി, കോഴഞ്ചേരി എന്നിവിടങ്ങളില്‍ നേവിയെത്തും

നിലവിൽ വ്യോമ സേനയുടെ 10ഹെലികോപ്റ്ററുകൾ രക്ഷാപ്രവർത്തനം നടത്തുന്നുണ്ട്. ദുരന്ത നിവാരണ സേനയും ഒപ്പമുണ്ട്. ദേശീയ ദുരന്ത നിവാരണ സേനയുടെ 40 ടീമുകളെ കൂടി അനുവദിച്ചിട്ടുണ്ട്. മത്സ്യ തൊഴിലാളികളും ബോട്ടുടമകളും രക്ഷാപ്രവർത്തന രംഗത്തുണട്. നീണ്ടകരയിൽ നിന്ന് മത്സ്യ ബന്ധന ബോട്ടുകളെത്തിയാണ് രക്ഷാപ്രവർത്തനം നടത്തുന്നത്.