മൂന്നാറിലേക്കുള്ള വൈദ്യുതിയും വാർത്താവിനിമയ ബന്ധങ്ങളും നിലച്ചു

മൂന്നാർ പൂർണ്ണമായും ഒറ്റപ്പെട്ടു. ഇവിടേക്കുള്ള വൈദ്യുതിയും വാർത്താവിനിമയ ബന്ധങ്ങളും നിലച്ചിരിക്കുകയാണ്. ഇങ്ങോട്ടേക്കുള്ള റോഡുകളടക്കം മണ്ണിടിഞ്ഞ് തടസ്സപ്പെട്ട നിലയിലാണ്. മാട്ടുപ്പെട്ടി ഡാം തുറന്നതിനെ തുടർന്ന് മൂന്നാർ ടൗണിലടക്കം വെള്ളം കയറിയിരുന്നു. ഇവിടുള്ള തൂക്കുപാലം കുത്തൊഴുക്കിൽ ഒലിച്ച് പോയിരുന്നു.