എറണാകുളം -ചാലക്കുടി പാതയിൽ ട്രെയിൻ ഗതാഗതം നിർത്തി

റെയിൽ പാളങ്ങളിൽ വെള്ളം കയറിയതിനാൽ എറണാകുളം ചാലക്കുടി പാതയിൽ ട്രെയിൻ ഗതാഗതം നിർത്തിവെച്ചു. തിരുവനന്തപുരം നാഗർകോവിൽ പാതയിൽ ട്രെയിനുകൾ താത്കാലികമായി നിർത്തി. മുട്ടം യാർഡിൽ വെള്ളംകയറിയതിനെ തുടർന്ന് കൊച്ചി മെട്രോ സർവീസ് താത്കാലികമായി നിർത്തി.

പല ട്രെയിനുകളും റദ്ദാക്കി. ഷൊർണൂർ എറണാകുളം പാസഞ്ചർ, ഹൂബ്ലി കൊച്ചുവേളി എക്‌സ്പ്രസ്, ചെന്നൈ തിരുവനന്തപുരം സൂപ്പർഫാസ്റ്റ് എക്‌സ്പ്രസ്, കരൈക്കൽ എറണാകുളം എക്‌സ്പ്രസ് എന്നീ ട്രെയിനുകളാണ് നിലവിൽ റദ്ദാക്കിയത്.

പാലക്കാട് തൃശൂർ ദേശീയപാതയിൽ ഗതാഗതം സ്തംഭിച്ച നിലയിലാണ്. കുതിരാനിൽ മണ്ണിടിച്ചിലുണ്ടായതിനെ തുടർന്നാണ് വാഹന ഗതാഗതം മുടങ്ങിയത്. കോഴിക്കോട് ഉൾപ്പെടെ നിരവധി നഗരങ്ങളിലും റോഡുകളിൽ വെള്ളം കയറി വാഹന ഗതാഗതം സ്തംഭിച്ചു.