കരസേനയുടെ 25ബോട്ടുകൾ എത്തും

കരസേനയുടെ 25ബോട്ടുകൾ ഇന്ന് തിരുവനന്തപുരത്ത് എത്തും. വിമാനം വഴിയാണ് ബോട്ടുകൾ എത്തിക്കുക. അവ ട്രക്കുകൾ വഴി പ്രളയബാധിത പ്രദേശങ്ങളിലെത്തിക്കാനാണ് തീരുമാനം. 15എണ്ണം ചെങ്ങന്നൂരിലും ബാക്കി തിരുവല്ലയിലുമാണ് എത്തിക്കുക. അടിയൊഴുക്കുള്ള സ്ഥലങ്ങളിൽ ഈ ബോട്ടുകൾക്ക് എത്തിച്ചേരാനാകും. പരിശീലനം നേടിയവർ ഈ ബോട്ട് പ്രവർത്തിപ്പിക്കാനായി എത്തും. ചാലക്കുടിയിൽ രക്ഷാപ്രവർത്തനത്തിനായി എത്തുന്ന ബോട്ടുകൾ കരിപ്പൂർ വിമാനത്താവളത്തിലെത്തിക്കും. അഞ്ച് ഹെലികോപ്റ്ററുകൾ കൂടി ഇന്ന് രക്ഷാപ്രവർത്തനത്തിനായി എത്തുമെന്നാണ് വിവരം.