വടക്കന്‍ പറവൂരില്‍ നിന്ന് നടന്‍ സലിം കുമാറിനെയടക്കം 45 പേരെ രക്ഷിച്ചു

വെള്ളക്കെട്ടിനെ തുടര്‍ന്ന് മൂന്ന് ദിവസമായി വടക്കന്‍ പറവൂരിലെ വീട്ടില്‍ കുടുങ്ങിയ നടന്‍ സലിം കുമാറിനെയടക്കം 45 പേരെ രക്ഷപ്പെടുത്തി. ഇന്ന് വൈകീട്ട് നടന്ന രക്ഷാപ്രവര്‍ത്തനമാണ് സലിം കുമാറിനെയും അദ്ദേഹത്തിന്റെ വീട്ടില്‍ അഭയം തേടിയ 45 പേരെയും രക്ഷപ്പെടുത്തിയത്. രക്ഷാപ്രവര്‍ത്തനത്തില്‍ ഊര്‍ജ്ജിതമായി പങ്കെടുത്ത മത്സ്യബന്ധന തൊഴിലാളികള്‍ക്കും ഫിഷറീസ് വകുപ്പിനും സലിം കുമാര്‍ നന്ദി രേഖപ്പെടുത്തി.