അഞ്ച് കോടി രൂപയും അവശ്യ സാധനങ്ങളുമായി തമിഴ്‌നാട് മുഖ്യമന്ത്രിയുടെ സഹായം

പ്രളയക്കെടുതി അനുഭവിക്കുന്ന കേരളത്തിന് കൂടുതല്‍ സഹായങ്ങള്‍ വാഗ്ദാനം ചെയ്ത് തമിഴ്‌നാട്. 500 മെട്രിക്ക് ടൺ അരി, 300 മെട്രിക് ടൺ പാൽപ്പൊടി, 15000 ലിറ്റർ പാൽ, മുണ്ടുകൾ, ലുങ്കികൾ 10000 ബെഡ്ഷീറ്റുകൾ എന്നിവ ഉടന്‍ കേരളത്തിലേക്ക് എത്തിക്കുമെന്ന് തമിഴ്‌നാട് മുഖ്യമന്ത്രി എടപ്പാടി പളനിസ്വാമി അറിയിച്ചു. അഞ്ച് കോടി രൂപയും ആവശ്യമായ മരുന്നുകളും നല്‍കാന്‍ തയ്യാറാണെന്നും അദ്ദേഹം അറിയിച്ചു. നേരത്തേ, അഞ്ച് കോടി രൂപ തമിഴ്‌നാട് സര്‍ക്കാര്‍ പ്രഖ്യാപിച്ചിരുന്നു. അതിന് പിന്നാലെയാണ് ഇപ്പോഴത്തെ സഹായം.