പ്രളയക്കെടുതി; രക്ഷാപ്രവർത്തനങ്ങൾക്കായി ഐഎസ്ആർഒയുടെ അഞ്ച് ഉപഗ്രഹങ്ങൾ

കേരളത്തിൽ രക്ഷാപ്രവർത്തനം കാര്യക്ഷമമാക്കാൻ 5 ഉപഗ്രഹങ്ങളുടെ സേവനം ലഭ്യമാക്കുമെന്ന് ഐഎസ്ആർഒ.

പ്രളയ ബാധിത പ്രദേശങ്ങളിലെ തത്സമയ ദൃശ്യങ്ങൾ ലഭ്യമാക്കുന്നതിയി ഭൗമ നിരീക്ഷണ ഉപഗ്രഹങ്ങളായ ഓഷ്യൻസാറ്റ്2, റിസോഴ്‌സാറ്റ്2, കാർട്ടോസാറ്റ്2, 2എ, ഇൻസാറ്റ് 3ഡിആർ എന്നീ ഉപഗ്രഹങ്ങളാണ് രക്ഷാപ്രവർത്തനങ്ങൾക്കായി ഉപയോഗിക്കുന്നത്.

പ്രദേശത്തെ കാലാവസ്ഥ നിരീക്ഷണത്തിനും, പ്രളയ സാധ്യതകളെ കുറിച്ചും, പ്രളയ ബാധിത പ്രദേശങ്ങളിലെ തൽസ്ഥിതിയെ കുറിച്ചുമുള്ള വിവരങ്ങൾ സാറ്റ്‌ലൈറ്റുകൾ വഴി ശേഖരിക്കാനാവുമെന്നും ഐഎസ്ആർഒ അറിയിച്ചു.