പ്രളയക്കെടുതി; മരണസംഖ്യ 191, ഇന്ന് മരിച്ചവര്‍ ആറ്

പ്രളയകെടുതിയില്‍ മരിച്ചവരുടെ എണ്ണം വര്‍ധിക്കുന്നു. ആഗസ്റ്റ് എട്ട് മുതല്‍ ഇന്ന് വരെയുള്ള കണക്കനുസരിച്ച് മരണസംഖ്യ 191 ആണ്. 39 പേരെ കാണാനില്ല. ഇന്ന് ആറ് മൃതദേഹം കണ്ടെടുത്തു. കുത്തിയതോട് പള്ളി തകര്‍ന്നുണ്ടായ അപകടത്തില്‍ പെട്ടവരുടെ നാല് മൃതദേഹം കണ്ടെത്തിയതോടൊപ്പം പാലക്കാട്, തൃശൂര്‍ എന്നിവിടങ്ങളില്‍ നിന്ന് ഒരോ മൃതദേഹവും കണ്ടെത്തി. കേരളത്തില്‍ ഈ മണ്‍സൂണ്‍ കാലത്ത് മാത്രം മരിച്ചവരുടെ എണ്ണം 341 ആണ്. സംസ്ഥാനത്ത് 3636 ക്യാമ്പുകളിലായി 2,33,377 കുടുംബങ്ങള്‍ കഴിയുന്നു. 9,28,015 പേരാണ് വിവിധ ക്യാമ്പുകളിലായി ഉള്ളത്. റവന്യൂ വകുപ്പാണ് ഇക്കാര്യം വ്യക്തമാക്കിയത്.