മുഖ്യമന്ത്രി പ്രളയബാധിത പ്രദേശങ്ങളിലേക്ക്

മുഖ്യമന്ത്രി പിണറായി വിജയൻ ഇന്ന് മൂന്ന് ജില്ലകളിലെ പ്രളയബാധിത പ്രദേശങ്ങൾ സന്ദർശിക്കും. ചെങ്ങന്നൂരിലാണ് ആദ്യം സന്ദര്‍ശനം നടത്തുക.  രാവിലെ എട്ടുമണിക്ക് തിരുവനന്തപുരത്തുനിന്നും ഹെലികോപ്റ്റർ മാർഗ്ഗം പുറപ്പെട്ടിട്ടുണ്ട്.  ചെങ്ങന്നൂരിലെത്തുന്ന അദ്ദേഹം ദുരിതാശ്വാസ ക്യാമ്പുകള്‍  സന്ദർശിക്കും. കോഴഞ്ചേരിയിലെ ക്യാമ്പുകള്‍ സന്ദർശിച്ച ശേഷം അദ്ദേഹം ആലപ്പുഴയിലെ ദുരിത ബാധിത പ്രദേശങ്ങളിലേക്ക് പോകും. അതിന് ശേഷം എറണാകുളം നോര്‍ത്ത് പറവൂരിലെ ക്യാമ്പുകള്‍ സന്ദര്‍ശിക്കും. ശേഷം തൃശ്ശൂര്‍ ചാലക്കുടിയിലെ ക്യാമ്പുകളിലും എത്തും. വൈകീട്ട് നാലുമണിയോടെ തിരുവനന്തപുരത്ത് തിരിച്ചെത്തി അവലോകന യോഗത്തിൽ പങ്കെടുക്കും വിധമാണ് സന്ദർശനം ക്രമീകരിച്ചിരിക്കുന്നത്.