ഏഷ്യൻ ഗെയിംസിൽ ഇന്ത്യയ്ക്ക് ഏഴാം സ്വർണം

ഏഷ്യൻ ഗെയിംസിന്റെ ഏഴാം ദിനമായ ഇന്നലെ ഏഴാം സ്വർണം നേടി ഇന്ത്യ. ഷോട്ട്പുട്ടിൽ തേജീന്ദർപാൽ സിങ്ങാണ് ഇന്ത്യയ്ക്കായി ഏഴാം സ്വർണം നേടിയത്. ഇതോടെ, ഓം പ്രകാശ് കരാനയുടെ പേരിലുള്ള ദേശീയ റെക്കോർഡി (20.69 മീറ്റർ) നെ പിന്തള്ളി 20.75 എന്ന പുതിയ റെക്കോർഡ് തേജീന്ദർ സ്വന്തമാക്കി. കഴിഞ്ഞ വർഷം നടന്ന ഏഷ്യൻ ചാമ്പ്യൻഷിപ്പിൽ വെള്ളി മെഡൽ നേടിയിരുന്നു.