കുട്ടനാട്ടില്‍ ബൃഹത്തായ ശുചീകരണ യഞ്ജത്തിന് നാളെ തുടക്കം

കുട്ടനാട്ടിലെ പുനഃരധിവാസത്തിന് മുന്നോടിയായുള്ള ബൃഹത്തായ ശുചീകരണ യജ്ഞത്തിന് നാളെ തുടക്കം. 55,000 പേരെ പങ്കെടുപ്പിച്ച് കൊണ്ടുള്ള വിപുലമായ പദ്ധതിയാണിത്. ആഗസ്റ്റ് 31ഓടെ കുട്ടനാട്ടുകാരെ മുഴുവന്‍ തിരികെ വീട്ടിലെത്തിക്കാനുള്ള ലക്ഷ്യമാണ് ഗവണ്‍മെന്റിന്റെത്. 30വരെയാണ് ശുചീകരണ യ‍ജ്ഞം. ക്യാമ്പില്‍ കഴിയുന്ന പ്രായം ചെന്നവരും കുട്ടികളും ഒഴികെ എല്ലാവരും യജ്ഞത്തില്‍ പങ്കാളികളാവും. നിലവില്‍ ക്യാമ്പില്‍ നിന്ന് പോകുന്നവരെ ജലസേചന വകുപ്പ് സൗജന്യമായാണ് വീടുകളില്‍ എത്തിച്ചത്. പ്രളയത്തില്‍ വീടുകളില്‍ കയറിയ പാമ്പുകളെ പിടിക്കാന്‍ പ്രത്യേകസംഘം ഉണ്ടാവും. ആന്ധ്രപ്രദേശ്, തമിഴ്നാട് എന്നിവിടങ്ങളില്‍ നിന്നാണ് സംഘമെത്തുക.