‘ഉന്നം പിടിച്ച് ഒറ്റയേറ്’; ജാവലിന്‍ ത്രോയില്‍ നീരജ് ചോപ്ര സ്വര്‍ണ്ണം നേടി

ഏഷ്യന്‍ ഗെയിംസില്‍ ഇന്ത്യയുടെ എട്ടാം സ്വര്‍ണ്ണ നേട്ടം. ജാവലിന്‍ ത്രോയില്‍ ഇന്ത്യന്‍ താരം നീരജ് ചോപ്രയാണ് സ്വര്‍ണം കരസ്ഥമാക്കിയത്. ആദ്യമായാണ് ഒരു ഇന്ത്യന്‍ താരം ജാവലിന്‍ ത്രോയില്‍ സ്വര്‍ണ്ണം നേടുന്നത്. 88.06 മീറ്റര്‍ ദൂരത്തോടെയാണ് നീരജിന്റെ സ്വര്‍ണ്ണ നേട്ടം. മലയാളി താരം വി. നീന ലോംഗ് ജംപില്‍ ഇന്ത്യയ്ക്കായി വെള്ളി നേടി. ഇന്ത്യയുടെ ആകെ മെഡല്‍ നേട്ടം 41 ആയി. എട്ട് സ്വര്‍ണ്ണം നേടിയ ഇന്ത്യ പോയിന്റ് ടേബിളില്‍ 9-ാം സ്ഥാനത്താണ്.