ഒരു കൂട്ടം ഭരണാധികാരികള്‍ നന്മയുടെ വക്താക്കളാണ്; മറ്റൊരു കൂട്ടം എളുപ്പമുള്ള കാര്യങ്ങളെ പോലും പ്രയാസമുള്ളതാക്കുന്നു: യു.എ.ഇ പ്രധാനമന്ത്രിയുടെ ട്വീറ്റ് ഏറ്റെടുത്ത് മലയാളികള്‍

രണ്ട് തരത്തിലുള്ള ഭരണാധികാരികളെ കുറിച്ച് യുഎഇ പ്രധാനമന്ത്രി ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ ട്വീറ്റ് സോഷ്യല്‍ മീഡിയയില്‍ വൈറലാകുന്നു. പ്രളയക്കെടുതിയില്‍ കേരളത്തിനായി യുഎഇ നീട്ടിയ സഹായഹസ്തം സ്വീകരിക്കുന്നതിനെ കേന്ദ്ര ഗവണ്‍മെന്റ് എതിര്‍ത്ത സാഹചര്യത്തിലാണ് ഷെയ്ഖ് മുഹമ്മദ് ബിന്‍ റാഷിദിന്റെ ട്വീറ്റ് ശ്രദ്ധിക്കപ്പെടുന്നത്.

രണ്ടുതരം ഭരണാധികാരികളെ കുറിച്ചാണ് ട്വീറ്റില്‍ പറയുന്നത്. ഒന്നാമത്തെ കൂട്ടര്‍ ജനങ്ങളുടെ ജീവിതം കരു പിടിപ്പിക്കുന്നതിന് വേണ്ടി പ്രയത്‌നിക്കുന്ന നന്മയുള്ള ഭരണാധികാരികളാണെന്നും രണ്ടാമത്തെ കൂട്ടര്‍ എളുപ്പമുള്ള കാര്യങ്ങള്‍ പോലും പ്രയാസകരമാക്കുമെന്നും ട്വീറ്റില്‍ പറയുന്നു. മലയാളികള്‍ യുഎഇ പ്രധാനമന്ത്രിയുടെ ട്വീറ്റ് ഏറ്റെടുത്തു. യുഎഇ സഹായവുമായി ബന്ധപ്പെട്ട് വലിയ വിവാദങ്ങളുയര്‍ന്നിരിക്കുന്ന പശ്ചാത്തലത്തിലാണ് ഈ ട്വീറ്റ്.

“ജീവിതം എന്നെ പഠിപ്പിച്ചത്” എന്ന ഹാഷ്ടാഗിൽ അദ്ദേഹം അറബിയിൽ കുറിച്ചതിന്റെ ചുരുക്കം ഇതാണ്