കേരളത്തിലെ പത്ത് ജില്ലകളിൽ ഇടിയോടുകൂടിയ കനത്ത മഴയ്ക്ക് സാധ്യത

ഇടുക്കി, ആലപ്പുഴ, പത്തനംതിട്ട, കോട്ടയം എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ ഇടിയോടുകൂടിയ മഴയുണ്ടാകുമെന്ന് മുന്നറിയിപ്പ്. ചിലയിടങ്ങളിൽ ഒറ്റപ്പെട്ട കനത്ത മഴയ്ക്കും സാധ്യതയുണ്ട്.

മണിക്കൂറിൽ 55 കിലോമീറ്റർ വരെ വേഗമുള്ള കാറ്റിന് സാധ്യതയുള്ളതിനാൽ കടൽ പ്രക്ഷുബ്ധമായിരിക്കും. മൽസ്യത്തൊഴിലാളികൾ കടലിൽ പോകരുത്. കാലാവസ്ഥാ കേന്ദ്രവും സമുദ്ര ഗവേഷണകേന്ദ്രവുമാണ് മുന്നറിയിപ്പുകൾ പുറപ്പെടുവിച്ചത്.