പ്രളയ ദുരിതം; ലോക ബാങ്കിന്റെ സഹായം തേടി സര്‍ക്കാര്‍

കേരളത്തെ പുനര്‍നിര്‍മ്മിക്കുകയെന്ന ബൃഹത്തായ ലക്ഷ്യത്തിലേക്ക് ലോക ബാങ്കിന്റെ സഹായം തേടി സംസ്ഥാനം. ഇത് സംബന്ധിച്ചുള്ള ചര്‍ച്ചകള്‍ ആരംഭിച്ചു കഴിഞ്ഞു. കേന്ദ്ര സര്‍ക്കാറുമായി ചര്‍ച്ചകള്‍ പുരോഗമിക്കുകയാണ്. കേരളത്തെ പുനര്‍ സൃഷ്ടിക്കാനായി ധാരാളം പണം അനിവാര്യണെന്നും ലോക ബാങ്കിന്റെ സഹായം കൂടി ലഭിച്ചാല്‍ മാത്രമേ കേരളത്തെ പുനര്‍ സൃഷ്ടിക്കാന്‍ സാധിക്കുകയുള്ളൂവെന്നും ധനവകുപ്പ് വ്യക്തമാക്കി. ലോക ബാങ്കിന്റെ സഹായം സംസ്ഥാനത്തിന് ലഭിക്കുമെന്ന് പ്രതീക്ഷിക്കുന്നതായി ചീഫ് സെക്രട്ടറി ടോം ജോസും വ്യക്തമാക്കി. വായ്പയ്ക്കായി ബുധനാഴ്ച ലോക ബാങ്ക് പ്രതിനിധികളുമായി ചര്‍ച്ച നടത്തുമെന്നും അദ്ദേഹം പറഞ്ഞു.