ലോക വ്യാപാര സംഘടനയിൽ നിന്ന് പിന്മാറുമെന്ന ഭീഷണിയുമായി ട്രംപ്

അമേരിക്കയുടെ ആവശ്യങ്ങളിൽ ശരിയായ രീതിയിൽ ഇടപെടുന്നില്ലെന്ന് ആരോപിച്ച് ലോക വ്യാപാര സംഘടനയിൽ നിന്ന് പിന്മാറുമെന്ന ഭീഷണിയുമായി ഡൊണാൾഡ് ട്രംപ്. അമേരിക്കയോടുള്ള നിലപാടിൽ മാറ്റം വരുത്തിയില്ലെങ്കിൽ സംഘടനയിൽ നിന്ന് പിന്മാറുമെന്നാണ് ട്രംപിന്റെ നിലപാട്.

ട്രംപിന്റെയും ലോക വ്യാപാര സംഘടനയുടെയും വ്യാപാര നയങ്ങൾ തമ്മിൽ ഒത്തുപോകാത്തതാണ് ട്രംപിന്റെ ഭീഷണിക്കു കാരണമായി വിലയിരുത്തപ്പെടുന്നത് . ആഗോളവ്യാപാരത്തിനും രാജ്യങ്ങൾ തമ്മിലുള്ള വ്യാവസായിക തർക്കങ്ങൾ പരിഹരിക്കുന്നതിനുമായി രൂപീകരിച്ചതാണ് ലോക വ്യാപാര സംഘടന.