‘തീവണ്ടി’ ടീമിൽ നിന്ന് മറ്റൊരു ടൊവിനോ ചിത്രം കൂടി; ഫസ്റ്റ് ലുക്ക് പോസ്റ്റർ പുറത്ത്

തീവണ്ടിയുടെ വൻ വിജയത്തിന് ശേഷം അതേ അണിയറപ്രവർത്തകരിൽ നിന്നും മറ്റൊരു ടൊവിനോ ചിത്രംകൂടി വരുന്നു. കൽകി എന്ന ഈ ചിത്രത്തിന്റെ ഫസ്റ്റ്‌ലുക്ക് പോസ്റ്റർ പുറത്തുവിട്ടിരിക്കുകയാണ്. ചിത്രത്തിന്റെ സംവിധായകനും തീവണ്ടിയുടെ സഹസംവിധായകനുമായ പ്രവീൺ പ്രഭാരാമാണ് പോസ്റ്റർ ഫേസ്ബുക്കിലൂട പുറത്തുവിട്ടിരിക്കുന്നത്.

ഗൗതം ശങ്കറാണ് ക്യാമറ കൈകാര്യം ചെയ്യുന്നത്. സുജിൻ സുജാതനും പ്രവീൺ പ്രഭാരാമും ചേർന്നാണ് ചിത്രത്തിന് വേണ്ടി കഥയൊരുക്കുന്നത്. ലിറ്റിൽ ബിഗ് ഫിലിംസിന്റെ ബാനറിൽ സുവിൻ കെ വർക്കിയും പ്രശോഭ് കൃഷ്ണയുമാണ് ചിത്രം നിർമ്മിക്കുന്നത്. ചിത്രത്തെക്കുറിച്ച് മറ്റു വിശദാംശങ്ങൾ പുറത്തുവിട്ടിട്ടില്ല.