ബിഷപ്പ് ചോദ്യം ചെയ്യലിന് ഹാജരായി

കന്യാസ്ത്രീയെ ബലാത്സംഗം ചെയ്ത കേസില്‍ ബിഷപ്പ് ഫ്രാങ്കോ മുളയ്ക്കല്‍ ചോദ്യം ചെയ്യലിന് ഹാജരായി. തൃപ്പൂണിത്തുറ ഹൈടെക് സെല്ലിലാണ് ചോദ്യംചെയ്യല്‍. സംഘത്തലവനായ വൈക്കം ഡിവൈഎസ്പി കെ സുഭാഷിന്റെ നേതൃത്വത്തിലാണ് ബിഷപ്പില്‍ നിന്നു വിവരങ്ങള്‍ തേടുന്നത്. കോട്ടയം എസ്പി ഹരിശങ്കറും ഹൈടെക് സെല്ലില്‍ എത്തിയിട്ടുണ്ട്. ചോദ്യം ചെയ്യലിന് മുന്നോടിയായി ഡിവൈഎസ്പി സുഭാഷ് , ഐജി വിജയ് സാഖറയുമായി കൂടിക്കാഴ്ച നടത്തിയിരുന്നു.