ഗോവയിൽ ബിജെപി ഉപമുഖ്യമന്ത്രിയെ നിയമിച്ചേക്കും

ഗോവയിൽ ബിജെപി ഉപമുഖ്യമന്ത്രിയെ നിയമിച്ചേക്കും. നിലവിലെ മുഖ്യമന്ത്രി മനോഹർ പരീക്കർ അസുഖബാധിതനായി ഡൽഹിയിൽ ചികിൽസയ്ക്കായ് പോയതിനെ തുടർന്നാണ് തീരുമാനം.

ബിജെപി നേതാക്കളുടെ കേന്ദ്രസംഘം കഴിഞ്ഞ ആഴ്ച ഗോവ സന്ദർശിച്ചിരുന്നു. തുടർന്ന് ഡൽഹിയിലെ അമിത്ഷായുടെ വസതിയിൽ ബുധനാഴ്ച നടന്ന കൂടിക്കാഴ്ചയിൽ നിലവിലെ ഗോവയിലെ രാഷ്ട്രീയ അന്തരീക്ഷം വിവരിക്കുകയും ചെയ്തിരുന്നു.

ഉപമുഖ്യമന്ത്രിയെ നിയോഗിക്കുന്ന കാര്യത്തിൽ രണ്ടോ മൂന്നോ ദിവസത്തിനുള്ളിൽ തീരുമാനമായേക്കുമെന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു.