യാത്രക്കാരുമായി പോയ ഇൻഡിഗോ എയർലൈൻസിന്റെ ബസിന് തീപിടിച്ചു

ചെന്നൈ വിമാനത്താവളത്തിൽ യാത്രക്കാരെ വിമാനത്തിൽനിന്ന് പുറത്തേക്ക് കൊണ്ടുപോകുന്നതിനിടെ ഇൻഡിഗോ എയർലൈൻസിന്റെ ബസിന് തീപിടിച്ചു.

അമ്പതോളം യാത്രക്കാരായിരുന്നു ഈ സമയത്ത് ബസിലുണ്ടായിരുന്നത്. തീ ഉടൻ അണച്ചതിനാൽ ആർക്കും പരിക്ക് പറ്റിയില്ല. അറൈവൽ പോയിന്റിന് അരികെയെത്തിയപ്പോഴാണ് ബസ്സിന് തീപിടിച്ചത്.

ഉടൻ തന്നെ ഫയർ ആൻഡ് റെസ്‌ക്യൂ ജീവനക്കാർ എത്തി തീയണച്ചു.