കൊല്ലത്ത് 11 ദിവസം പ്രായമായ കുഞ്ഞ് മരിച്ച നിലയിൽ

കൊല്ലത്ത് അമ്മയോടൊപ്പം ഉറങ്ങിക്കിടന്ന നവജാത ശിശുവിനെ മരിച്ച നിലയിൽ കണ്ടെത്തി. കൊല്ലം ഏഴുകോൺ വാളായിക്കോട് ഷിബുഭവനിൽ ഷിബുവിന്റെയും അനിലയുടെയും 11 ദിവസം പ്രായമായ പെൺകുഞ്ഞാണ് മരിച്ചത്.

ഇന്നലെ പുലർച്ചെ നാലിനാണ് അനക്കമില്ലാത്ത നിലയിൽ കുഞ്ഞിനെ കണ്ടത്. ഉടൻ തന്നെ ആശുപത്രിയിലെത്തിച്ചെങ്കിലും മണിക്കൂറുകൾക്കുമുമ്പേ മരിച്ചിരുന്നു.

ശ്വാസനാളത്തിൽ മുലപ്പാൽ കുടുങ്ങിയതാണ് മരണകാരണമെന്ന് സംശയിക്കുന്നതായി പൊലീസ് പറയുന്നു. കൊല്ലം ജില്ലാ ആശുപത്രിയിൽ പൊലീസ് സർജൻറെ മേൽനോട്ടത്തിൽ പരിശോധന നടത്തിയ മൃതദേഹം വീട്ടുവളപ്പിൽ സംസ്‌കരിച്ചു.