23
Feb 2019
Saturday
Kuttanadu

മഴ തുടരും; ജാഗ്രത വേണം

storm

അറബിക്കടലിൽ രൂപപ്പെട്ട ന്യൂനമർദ്ദം അതിശക്തമായതോടെ കേരളത്തില്‍ കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം. ഇന്നും നാളെയും കനത്ത മഴയുണ്ടാകുമെന്നാണ് മുന്നറിയിപ്പ്. ഈ പശ്ചാത്തലത്തില്‍ അഡീഷണൽ ചീഫ് സെക്രട്ടറി പി.എച്ച് കുര്യന്റെ നേതൃത്വത്തിൽ സെക്രട്ടേറിയറ്റിൽ 24 മണിക്കൂറും പ്രവർത്തിക്കുന്ന സെൽ പ്രവർത്തനം തുടങ്ങി. 60കിലോമീറ്റര്‍ വേഗതയില്‍ കാറ്റ് വീശാനും സാധ്യതയുണ്ട്.

ന്യൂനമർദ്ദം ശക്തിപ്പെട്ട്  ഒമാൻ തീരത്തേക്കാണ് നീങ്ങുകയെങ്കിലും കേരളത്തിലെ വിവിധ ജില്ലകളില്‍ ഇത് കനത്ത് മഴയ്ക്ക് വഴിയൊരുക്കും.   ഇടുക്കി, പത്തനംതിട്ട, മലപ്പുറം, പാലക്കാട്, വയനാട് ജില്ലകളിലാണ് ശക്തമായ മഴ പെയ്യുക. മുൻകരുതൽ നടപടിയുടെ ഭാഗമായി കെഎസ്ഇബി 13 ഡാമുകളുടെ ഷട്ടറുകൾ തുറന്നിട്ടുണ്ട്. ന്യൂനമര്‍ദ്ദം ഒമാന്‍ തീരത്തേക്ക് നീങ്ങുമെന്ന് തിരിച്ചറിഞ്ഞതോടെ ഇന്നലെ തന്നെ റെഡ് അലര്‍ട്ട് പിന്‍വലിച്ചിരുന്നു. മേല്‍ പറഞ്ഞ ജില്ലകളില്‍ ഓറഞ്ച് അലര്‍ട്ടും, മറ്റ് ജില്ലകളില്‍ യെല്ലോ അലര്‍ട്ടുമാണ് ഇപ്പോള്‍ പ്രഖ്യാപിച്ചിരിക്കുന്നത്.

 

Top