ശബരിമലയിലേക്ക് കമാന്റോകള്‍ എത്തും

ശബരിമലയിലേക്ക് കമാന്റോകള്‍ എത്തുമെന്ന് ഡിജിപി. നിലവില്‍ 700പോലീസുകാരാണ് ശബരിമലയില്‍ സുരക്ഷയ്ക്കായി ഉള്ളത്. മുന്നൂറ് പോലീസുകാരെ കൂടി അടിയന്തരമായി നിയോഗിക്കും എന്നും ഡിജിപി വ്യക്തമാക്കി.  രണ്ട് എസ്പിമാരുടേയും നാല് ഡിവെഎസ്പിമാരുടേയും  നേതൃത്വത്തിലാണ് കമാന്റോ സംഘം ശബരിമലയിലേക്ക് എത്തുക.

അതേസമയം ശബരിമലയില്‍ പ്രതിഷേധക്കാര്‍ അക്രമം സൃഷ്ടിക്കുകയാണ്. മാധ്യമപ്രവര്‍ത്തകര്‍ക്ക് എതിരെ വ്യാപകമായി ആക്രമണം നടക്കുകയാണ്. ദേശീയ മാധ്യമങ്ങളുടേത് അടക്കമുള്ള മാധ്യമപ്രവര്‍ത്തകരെ പ്രതിഷേധക്കാര്‍ കയ്യേറ്റം ചെയ്തു. വാഹനങ്ങള്‍ അടിച്ച് തകര്‍ക്കുകയും ക്യാമറകള്‍ തല്ലിപ്പൊട്ടിക്കുകയും ചെയ്തു.