പയ്യന്നൂര്‍ വാഹനാപകടം; ഒരാള്‍ കൂടി മരിച്ചു

പയ്യന്നൂർ സെൻട്രൻ സ്കൂളിന് സമീപം ദേശീയ പാതയിൽ ഉണ്ടായ വാഹനാപകടത്തിൽ ഒരാള്‍ കൂടി മരിച്ചു. ഇതോടെ മരിച്ചവരുടെ എണ്ണം നാലായി. കാറും ടാങ്കറും കൂട്ടിയിടിച്ചാണ് അപകടമുണ്ടായത്. തൃശൂർ കൂർക്കഞ്ചേരിയിലെ ഒരു കുടുംബത്തിൽ പെട്ട മൂന്നു പേരാണ് മരിച്ചത്. 5 പേരെ ഗുരുതര പരിക്കുകളോടെ പരിയാരം മെഡിക്കൽ കോളേജിൽ പ്രവേശിപ്പിച്ചിരുന്നു. ഇതിലൊരാളാണ് ഇപ്പോള്‍ മരിച്ചത്. ബാക്കിയുള്ളവരുടെ നിലയും അതീവ ഗുരുതരമാണ്.  മൂകാംബികയിലേക്ക് പോകുകയായിരുന്നു ഇവര്‍.

പുലർച്ചെ നാലരയോടെയാണ് അപകടം നടന്നത്. എട്ടു പേരാണ് കാറിലുണ്ടായിരുന്നത്. മൂന്നു പേര്‍ സംഭവസ്ഥലത്തു വച്ചു തന്നെ മരിക്കുകയായിരുന്നു.