ശബരിമല യുവതി പ്രവേശനത്തില്‍ ദേവസ്വം ബോര്‍ഡ് തീരുമാനത്തിനൊപ്പം; നിലപാട് വ്യക്തമാക്കി മാളികപ്പുറം പുതിയ മേല്‍ശാന്തി

ശബരിമല യുവതി പ്രവേശനത്തില്‍ മാളികപ്പുറം മേല്‍ശാന്തിയായി തെരഞ്ഞെടുക്കപ്പെട്ട എം.എല്‍ നാരായണന്‍ നമ്പൂതിരി നിലപാട് വ്യക്തമാക്കി. വിഷയത്തില്‍ ദേവസ്വം ബോര്‍ഡ് തീരുമാനത്തിനൊപ്പമാണെന്നും മാളികപ്പുറം തന്ത്രിയുടെ നിര്‍ദേശങ്ങള്‍ക്ക് അനുസരിച്ച് പ്രവര്‍ത്തിക്കുമെന്നും നാരായണന്‍ നമ്പൂതിരി പറഞ്ഞു. ശബരിമല മേല്‍ശാന്തിയായി വി.എന്‍ വാസുദേവന്‍ നമ്പൂതിരിയെയും തെരഞ്ഞെടുത്തിരുന്നു. അടുത്ത ഒരുവര്‍ഷം വരെയാണ് മേല്‍ശാന്തിമാരുടെ കാലാവധി. പുതിയ മേല്‍ശാന്തിമാര്‍ തുലാം മുപ്പതിന് ഇരുമുടിക്കെട്ടുമായി മലചവിട്ടി സന്നിധാനത്തെത്തും.