ശബരിമല വിധി; കോടതിയലക്ഷ്യ അപേക്ഷയിൽ തീരുമാനം എടുക്കുന്നതിൽ നിന്ന് അറ്റോർണി ജനറൽ പിൻമാറി

ശബരിമല വിധിയിൽ കോടതിയലക്ഷ്യ അപേക്ഷയിൽ തീരുമാനം എടുക്കുന്നതിൽ നിന്ന് അറ്റോർണി ജനറൽ പിന്മാറി. അറ്റോണി ജനറലിന്റെ പിൻമാറ്റത്തിനുള്ള കാരണം വ്യക്തമല്ല. കേസിൽ നേരത്തെ ദേവസ്വം ബോർഡിന് വേണ്ടി അറ്റോർണി ജനറൽ ഹാജരായിരുന്നു.

കെകെ വേണുഗോപാൽ അപേക്ഷ സോളിസിറ്റർ ജനറൽ തുഷാർ മേത്തയ്ക്ക് കൈമാറി. ഒന്നോ രണ്ടോ ദിവസത്തിനുള്ളിൽ അപേക്ഷയിൽ തീരുമാനം എടുക്കുമെന്ന് തുഷാർ മേത്ത പറഞ്ഞു. ശ്രീധരൻ പിള്ള, കൺഠര് രാജീവര് തുടങ്ങിയവർക്ക് എതിരെയാണ് നടപടിക്ക് അപേക്ഷ.