നിലയ്ക്കലിൽ നിന്നും പമ്പയിലേക്ക് കെഎസ്ആർടിസി സർവ്വീസ് ആരംഭിക്കുന്നു

ചിത്തിര ആട്ടവിശേഷത്തിന് ശബരിമല നട ഇന്ന് തുറക്കാനിരിക്കെ നിലയ്ക്കലിൽ നിന്നും പമ്പയിലേക്ക് കെഎസ്ആർടിസി സർവ്വീസ് ആരംഭിക്കുന്നു. രാവിലെ 11.30 നാണ് കെഎസ്ആർടിസി സർവ്വീസ് ആരംഭിക്കുക.

അതേസമയം, സന്നിധാനത്തും പരിസരപ്രദേശങ്ങളിലുമുള്ള സുരക്ഷ വർധിപ്പിച്ചിരിക്കുകയാണ്. 20 കമാൻറോകളും 100 വനിത പൊലീസും അടക്കം 2300 സുരക്ഷാ ഉദ്യോഗസ്ഥരെയാണ് ശബരിമലയിൽ നിയോഗിച്ചിട്ടുള്ളത്. ശബരിമലയ്ക്ക് 20 കിലോമീറ്റർ അകലെ മുതൽ തന്നെ പൊലീസ് ശക്തമായ കാവൽ ഏർപ്പെടുത്തിയിട്ടുണ്ട്.