ആഭ്യന്തര പരാതി പരിഹാര സമിതി; ഡബ്ലിയുസിസിയുടെ ഹര്‍ജി ഹൈക്കോടതി ഇന്ന് പരിഗണിക്കും

മലയാള സിനിമയില്‍ ആഭ്യന്തര പരാതി പരിഹാര സമിതി വേണമെന്ന ആവശ്യവുമായി വനിതാ കൂട്ടായ്മയായ
ഡബ്ലിയുസിസി നല്‍കിയ ഹര്‍ജി ഹൈക്കോടതി ഇന്ന് പരിഗണിക്കും. ഹര്‍ജിയില്‍ വിശദീകരണം നല്‍കാന്‍ സംസ്ഥാന സര്‍ക്കാരിനോടും എഎംഎംഎ താരസംഘടനയോടും ഹൈക്കോടതി ആവശ്യപ്പെട്ടിരുന്നു.

മലയാള സിനിമാ ലൊക്കേഷനുകളില്‍ പരാതിസെല്‍ രൂപീകരിക്കണമെന്ന് ആവശ്യപ്പെട്ട് റിമ കല്ലിങ്കലും പത്മപ്രിയയുമാണ് ഡബ്ലിയുസിസിയ്ക്ക് വേണ്ടി ഹര്‍ജി സമര്‍പ്പിച്ചത്. തൊഴിലിടങ്ങളിലെ ലൈംഗീകാതിക്രമം തടയാനുള്ള നിയമം സൊസൈറ്റികള്‍ക്കുള്‍പ്പടെ ബാധകമാണെന്ന് ഹര്‍ജിയിയില്‍ ചൂണ്ടികാണിച്ചിട്ടുണ്ട്.