ഡിവൈഎസ്പി ഹരികുമാര്‍ മരിച്ച നിലയില്‍

സനല്‍കുമാര്‍ വധക്കേസിലെ ആരോപണ വിധേയനായ ഡിവൈഎസ്പി ഹരികുമാര്‍ മരിച്ച നിലയില്‍. ആത്മഹത്യയാണെന്നാണ് പ്രാഥമിക നിഗമനം. കല്ലമ്പലത്തെ വീട്ടിലാണ് മൃതദേഹം കണ്ടെത്തിയത്. തൂങ്ങിമരിച്ച നിലയിലാണ് മൃതദേഹം കണ്ടെത്തിയത്. ഇന്ന് കീഴടങ്ങാനായി ഇന്നലെ ഡിവൈഎസ്പി വീട്ടിൽ എത്തിയതാണെന്നാണ് റിപ്പോർട്ട്. ഇയാള്‍ കര്‍ണ്ണാടകത്തിലായിരുന്നുവെന്നും സൂചനയുണ്ട്.
കീഴടങ്ങാന്‍ ബന്ധുക്കള്‍ നിര്‍ദേശിച്ചതിനെ തുടര്‍ന്നാണ് ഹരികുമാര്‍ കല്ലമ്പലത്തെ വീട്ടില്‍ എത്തിയതെന്നാണ് സൂചന.